Рестрикцијата во Тетово приспособена на рамазанскиот пост
ТЕТОВО - Во Тетово и во населбите приклучени кон градскиот водовод продолжува деветчасовната рестрикција во водоснабдувањето. Меѓутоа, од завчера режимот на затворањето на чешмите е приспособен на рамазанскиот пост. Како што бевме информирани во ЈКП „Тетово“, остануваат три периоди од деноноќието по три часа без вода, како што беше воведено уште пред две недели. Сега чешмите секнуваат во 8 наутро, па се' до 11, потоа од 18 до 21 и три пополноќни часа.
Причини за принудното штедење на водата е намалениот доток на вода од зафатените шарпланински извори, од каде што сега доаѓаат по 200 литри во секунда, како и злоупотребите од некои граѓани. Потребите на Тетово се барем двојно поголеми. (Г.Е.)
