Претходен број

ЛОНДОН - Најновото научно истражување спроведено по барање на лондонскиот Еврејски културен центар и филмскиот продуцент „Мирамакс“ покажува дека голем број млади луѓе веруваат дека Аушвиц е марка пиво, религиски фестивал или вид леб, пишува „Дејли мејл“.

Истражувањето го поттикна дистрибуцијата на ДВД со филмот „Момчето во ригаста пижама“. Осум отсто од младите на возраст меѓу 11 и 16 години сметаат дека Аушвиц е земја што се граничи со Германија, два отсто дека станува збор за марка пиво, а ист процент сметаат дека станува збор за религиски фестивал. Еден отсто од анкетираните тоа место на цивилизацискиот ужас го сметаат за вид леб, а дури 10 отсто не се сигурни што е тоа. Се проценува дека дури 90.000 млади на возраст од 11 и 16 години погрешно го идентификувале нацистичкиот логор Аушвиц со пиво, додека дури 45.000 го изедначуваат со леб. („Јутарни лист“)