Во продавниците малку повеќе се купува

Во вториот квартал годинава во однос на истиот период лани прометот во трговија на мало е зголемен за 2,7 проценти, а во трговијата на големо за 8,6, покажуваат податоците на Државниот завод за статистика. Во периодот април-јуни, годинава во трговијата на мало е остварен промет од 22.994 милиони денари, а во трговијата на големо од 33.693 милиони денари. Најголем дел од прометот во трговијата на мало, односно 91,2 проценти, според начинот на плаќање, е остварен во готови пари, а 1,3 отсто со потрошувачки кредити. Со потрошувачки кредити најмногу се продадени моторни возила, односно 15,6 проценти од вкупната продажба на возила. (Ек.Р.)