„Еуросупер БС-98“ поскап за половина денар

Малопродажната цена на „еуросупер БС-98“, како и на екстра лесното масло за домаќинство (ЕЛ-1) од денеска се зголемуваат за 0,50 денари за литар, одлучи вчера Регулаторната комисија за енергетика. Така, бензинот „еуросупер БС-98“ ќе чини 69,50 денари, а екстра лесното масло ќе се продава по 46,50 денари за литар.

Непроменети остануваат цените на „еуросупер БС-95“ (67,50 денари за литар) и на „еуродизелот“ (57,50 денари за еден литар).

Според вчерашната одлука на Регулаторна, малопродажните цени на нафтените деривати во просек се зголемуваат за 0,21 отсто, а на рафинериските за 0,41 отсто. (МИА)