Педроса ја скрши клучната коска

Атаката на Дани Педроса на шампионската титула во Мото ГП сезонава заврши откако Шпанецот ја скрши клучната коска при пад на тренингот во Монтеги, каде што Валентино Роси беше најбрз. Педроса, кој беше единствениот мотоциклист со шанси да го престигне на табелата лидерот и сонародник Хорхе Лоренцо, доби „скршеница на клучната коска на три места“ по падот само шест минути од почетокот на тренингот во Јапонија.

Повредата речиси сигурно значи дека возачот на Репсол Хонда ќе ги пропушти следните три трки - во Монтеги викендов, во Сепанг наредната недела и во Коус, Австралија, една седмица потоа. Педроса е втор во вкупниот поредок со 56 поени помалку од Лоренцо, а до крајот на сезоната остануваат уште три трки и 125 поени за освојување.

Бранителот на титулата Роси во својот последен круг го забележа најдоброто време на тренингот, подобро за 0,213 секунди од тоа на тимскиот колега на Педроса, Андреа Довициозо. Лоренцо беше трет, со заостанување од 0,3 сек. зад Роси.