Пелистер почнува од Луксембург

Ракометарите на Пелистер ќе го почнат својот евронастап сезонава в недела во Луксембург, каде што од 18 ч. ќе му гостуваат на Диделанж во првиот натпревар од второто коло во Купот на ЕХФ. Реваншот е на 9 октомври во Битола.

Во првото коло Диделанж го елиминира Кастриоти од Урошевац со две победи - прво 30:17 дома, а во реваншот во салата „Бил Клинтон“ беше 28:23 за гостите од Луксембург.

Првиот дуел меѓу Диделанж и Пелистер ќе го судат Белгијците Фрнс Евер и Марсел Кумс. (Р.Д.)