Меси ја доби Златната копачка

Аргентинскиот фудбалер Лионел Меси завчера вечер ја доби Златната копачка за најдобар стелец во европските национални првенства. Меси минатата сезона постигна 34 гола за Барселона помогнувајќи му на тимот да ја одбрани титулата во Шпанија.

„Сите награди се посебни, но благодарност за нив им должам на моите соиграчи. Едноставно се трудам да играм добро и да му помогнам на тимот колку можам“, изјави Меси, кој заедно со Марко ван Бастен и со Кристијано Роналдо е единствениот кој ги освоил сите три најзначајни индивидуални признанија: Златна копачка, наградата на ФИФА за најдобар светски фудбалер и наградата на УЕФА за најдобар во Европа. Главните ривали на Меси му беа Дрогба од Челзи и Ди Натале од Удинезе кои постигнаа по 29 гола.

Уругваецот Луис Суарез од Ајакс постигна 35 гола, но головите во холандскиот шампионат не се вреднуваат како оние во петте најсилни лиги - Англија, франција, Германија, Италија и Шпанија.