ЛА ТОЈА ЏЕКСОН
Брат ми беше убиен од алчни луѓе
Педесет и тригодишната Ла Тоја Џексон тврди за британскиот печат дека нејзиниот брат е жртва на убијци и оти воопшто не се сомнева во такво сценарио, откако слушнала дека Мајкл е мртов. Истакнала дека мисли оти убиството не е плод само на еден човек, туку на цела група и станува збор за заговор. За се' ги обвинува лошите луѓе, во чие друштво нејзиниот брат се движел во текот на животот.
„Мајкл беше многу мирна личност, полна со љубов, а луѓето тоа знаат да го искористат“, оценила Ла Тоја.
Пред само еден месец прогнозирала дека брат и' ќе биде мртов, пред шоуто што го планирал во Лондон, најмногу зашто се опкружил со луѓе на кои неговиот интерес не им бил во прв план.
Ла Тоја отишла толку далеку што побарала приватна обдукција, откако брат и' почина на 25 јуни, во 50. година од животот. |
