Пазарот на недвижости излегува од кризата
Лондон - Бројот на хипотекарни кредити во Велика Британија одобрени од шесте најголеми банки бележи значителен пораст во јуни. Ова претставува сигнал за подобрување на пазарот на недвижен имот во Велика Британија, објави агенцијата „Блумберг“. Бројот на кредити за купување станови во јуни пораснал до 51.100 наспроти 45.000 во мај. Обемот на хипотекарното кредитирање во јуни е зголемен на 4,7 милијарди фунти, од 4,3 регистрирани во мај. Просечната цена на еден стан во Велика Британија изнесува 227.864 фунти, што претставува пораст од 0,6 отсто на месечно ниво. (Макфакс) |
