Малолетник од САД ќе добие доживотна

Само САД и Сомалија не ја потпишуваат Конвенцијата за
правата на децата

Адвокатите на 13-годишниот Џордан Браун од американската сојузна држава Пенсилванија, кој е обвинет дека ја убил бремената свршеница на својот татко, ќе поднесат жалба на тоа да му се суди како на возрасен. Ако адвокатите не ги убедат судиите дека треба да го третираат како дете, тогаш во случај да биде прогласен за виновен, автоматски ќе добие казна доживотен затвор без можност за помилување. Со тоа би станал најмладиот Американец со таква пресуда, пишува „Гардијан“.

Единствено САД и Сомалија одбија да ја потпишат Конвенцијата за правата на децата на ОН, која не дозволува лица помлади од 18 години да се осудат на доживотен затвор без можност за помилување.

Браун е осомничен дека во февруари 2009 година ја убил Кензи Хоук во нејзината куќа. Според обвинението, момчето и' пукало во глава додека спиела. Тогаш како и секој друг ден влегол во автобусот и заминал во училиште и ништо не покажувало дека ќе се случи трагедија. Дваесет и шестгодишната Хоук во моментот на убиството и��ала уште две недели до терминот за породување, а на нероденото дете веќе му го одбрале името Кристофер. И нероденото бебе, исто така, почина.

Џордан е обвинет за двојно убиство. Момчето пукало од својата ловџиска пушка, посебно дизајнирана за деца. Обвинителите го обвинија дека го планирал убиството. (Индекс хр)