Чистка по терористичкиот напад

Москва - Андреј Алексеев, началник на транспортната милиција во Централниот федерален округ во кој е и Москва, е првиот разрешен по нападот во московскиот аеродром „Домодедово“ во понеделникот во кој загинаа 35 луѓе. Тие што не работеле како што треба, ќе бидат казнети на соодветен начин, се вели во соопштението од Кабинетот на рускиот претседател Дмитриј Медведев. Ќе бидат разрешени и началникот на транспортната милиција на аеродромот „Домодедово“ и двајца негови заменици. Медведев побара „секојдневна“ контрола од министерот за внатрешни работи, Рашид Нуралгиев. Побара и заемно дејство меѓу полицијата и транспортните служби во развиените држави.

Рускиот лидер побара и од министерот за транспорт, Игор Левитин, да му достави извештај за исполнувањето на програмата за гарантирање безбедност во транспортот донесена во 2007 година.