Светот го сака Обама за претседател
ЛОНДОН - Американскиот претседателски кандидат на демократите, Барак Обама, можеби се бори за предност во однос на републиканскиот ривал во анкетите во својата земја, но луѓето од светот го сакаат него во Белата куќа, покажа анкета на Би-Би-Си. Сите 22 земји опфатени во анкетата би сакале да го видат Обама за избран американски претседател пред републиканецот Џон Мекејн. Во 17 од 22 земји луѓето очекуваат односите меѓу САД и останатиот дел од светот да се подобрат ако победи Обама. Повеќе од 22.000 луѓе беа анкетирани од Индија до Јужна Америка. Коефициентот во полза на Обама се движеше од 9 отсто во Индија до 82 отсто во Кенија, додека во просек 49 отсто во 22-те земји го преферираат Обама пред 12 отсто за Мекејн.
Најоптимистички земји за Обама се Канада (69 отсто) , Франција (62), Германија (61), Велика Британија (54), Италија (64), Австралија (62), и Нигерија (71 отсто). (Ројтерс) |
