МЕЛ ГИБСОН
Три години го купувал молчењето на сопругата
Кога Робин, наскоро и бивша сопруга на Мел Гибсон, поднесе барање за развод на бракот во минатиот месец, никој не ни насетувал дека еден од најдолговечните парови во Холивуд цели три години не живее заедно. Иако тврдеа дека секогаш се труделе да ја чуваат приватноста и семејниот интегритет, се чини, нивното криење на разводот не било само од длабоко морални причини. Главна причина за распадот на 26-годишниот брак било неверството, а молчењето на сопругата пребогатиот Мел го купувал со пари. Еден од најбогатите жители на Холивуд се плашел дека брачната криза ќе му го уништи имиџот на голем верник и поради тоа на сопругата и' понудил пари во замена за молчење.
„Купуваше време со Робин, согласувајќи се да и' исплати по 52 милиона долари за секоја година одвоен живот, покрај се' што ќе добие со бракоразводната спогодба и тоа само за да биде покрај него во јавноста. Но, времето за Мел истече“, изјавил извор близок на семејството. |
