Нови крвави насилства во Карачи

КАРАЧИ - Нов бран насилство вчера го зафати комерцијалниот центар на Пакистан, Карачи, при што официјални извори јавија дека најмалку 39 луѓе загинале во дводневни војни на бандите и политички спорови, некои откако биле измачувани.

Борбите избувнаа во средата во стариот кварт Лијари и околу него, што одамна е фокус на борбите меѓу ривалските банди и упориште на Пакистанската народна партија на претседателот Асиф Али Зардари. Потоа се раширија во околните делови, на западната страна на Карачи, иако продавниците на другите места останаа отворени, а јавниот сообраќај функционираше. „Поголем дел од првичните убиства беа резултат на судирите меѓу криминални банди што оперираат во Лијари и во околните области“, рече претставник на полицијата. „Но, насилството почна да се шири наоколу и сега тоа е комбинација од војна меѓу банди и политичко насилство“.

Карачи, град со над 18 милиони жители, има долга историја на насилство, и етнички, верски и секташки спорови, а политичките расправии често можат да експлодираат во борби што зафаќаат цели населби. (Ројтерс)