Парична помош за лекувањето на Дојчиновски
Фудбалската федерација на Македонија (ФФМ) донесе одлука за доделување парична помош за лекувањето на македонската фудбалска легенда, Кирил Дојчиновски. Исплатата на средствата ќе се изврши по завршувањето на болничкиот третман на Дојчиновски во Белград и негово враќање во Скопје. Ова беше решено на вчерашната 31 седница на Упрваниот одбор (УО) на ФФМ во Скопје.
Членовите на УО го прифатија Меморандумот за соработка со Фудбалската федерација на Шпанија, земја која е актуелен сопственик на европската шампионска титула. Во ФФМ се надеваат дека Шпанците ќе ја прифатат понудата нивната репрезентација да гостува во август во Скопје. (С.Д.)
| 
