Дел Пјеро: Јувентус ќе го елиминира Челзи
Капитенот на Јувентус, Алесандро дел Пјеро, верува дека неговиот тим и покрај поразот во Лондон од 1: 0 може да го елиминира Челзи. Дрогба го постигна единствениот гол во 12 минута, но тимот на Гус Хидинк не импресионираше. „Заслуживме најмалку нерешено. Не сме баш и ние задоволни од настапот, но ќе се подготвиме подобро за реваншот. Ова беше мое прво гостување на „Стемфорд Бриџ“ и навистина уживав. Одлична атмосфера и одлично е да играш таму“, вели Дел Пјеро.
Менаџерот на Челзи Гус Хидинк предупреди дека во реваншот неговиот тим мора да одигра далеку подобро ако сака пласман во четвртфинале: „По голот се повлековме и бевме како уплашени. Тоа значеше дека тие може да играат меѓу нашите линиии многу интелегентно. Добро е на крајот што одиме со предност, но морам пак да кажам дека во вториот дел тимот беше уморен, не функционираше. Тоа ме загрижува. Не можам да кажам дека сме во топ физичка кондиција“, потенцира Хидинк.
Јувентус вчера требаше да се сретне со таткото на Диего
Вчеравечер пред мечот Милан - Вердер управата на Јувентус требаше да се сретне со таткото на ѕвездата на германскиот претставник Диего, Џаир да Куња, кој е и негов агент. „Тутоспорт“ објави дека и двете страни максимално се трудат да го најдат најлесниот пат од Бремен до Торино. Според германски извори, Јувентус е подготвен да плати 18 милиони евра, а тоа ќе биде повеќе од доволно за Вердер.
Агуеро блиску до Интер
Аргентинецот во Атлетико Мадрид Серџо Агуеро е се поблиску до трансфер во Интер, бидејќи е во кавга со тренерот Абел Ресино, кој го остави на клупата за резерви на мечот со Порто од Лигата на шампионите.
Претседателот на Интер Масимо Морати и тренерот Жозе Моруњо се обожувачи на Агуеро, кој е зет на славниот Марадона. Пред неколку дена со неговата ќерка доби и син.
Како и да е, сумата која би ја побарал Атлетико би била огромна и би се движела околу 60 милиони евра. Тоа се сериозни пари, но кога станува збор за богатиот Интер се' е можно. |
