Адвокатoт на Караџиќ тактизира со екстрадицијата во Хаг
Белград - Адвокатот Светозар Вуичиќ во последен момент, во саботата вечерта поднесе жалба против решението за предавање на Радован Караџиќ на Хашкиот трибунал, соопшти белградскиот весник „Политика“. Адвокатот изјави дека жалбата ја испратил по пошта и не сакаше да даде детали дали тоа го сторил во Белград или во друг град во Србија. Вујичиќ, исто така, изјави дека за време на посета на Караџиќ со него разговарал и за воениот лидер на босанските Срби генерал Ратко Младиќ, кој исто така се крие од правдата, и од него слушнал дека за последен пат се видел со Младиќ во 1997 година, кога на Билјана Плавшиќ и ја предал функцијата претседател на Република Српска, пишува „Политика“. (МИА)
|
