Во Струмичко собрани 22.000 тони жито

Струмица - Со последните активности во повисоките ридско-планински региони, заврши жетвата на пченицата во Струмичко. Од околу 5.800 хектари се собрани 22.000 тони жито, приближно иста количина како лани.

„Годинава просечните приноси се поголеми, но поради намалените површини, житната реколта е речиси како минатогодишната“, велат во мелничката индустрија „Кода трејд“.

Квалитетот на родот е одличен, а откупните цени на лебното жито од 12 денари за килограм се 50 отсто повисоки од минатата година. (МИА)