Мистерија со човечки коски во „Јасен“

Полицијата нема никакви претпоставки кому му припаѓаат човечките коски пронајдени пред неколку дена во една од јамите во резерватот „Јасен“. Не се знае ниту како коските завршиле таму. Се чекаат податоците од судска медицина, кои би требало да ја посочат староста на коските. Неофицијално се зборува дека смртта кај двајцата мажи на возраст од шеесетина години настапила пред пет-десет години. Штом ќе ги добие резултатите МВР ќе почне да го пребарува списокот на исчезнати од тоа време, а потоа со ДНК-анализа ќе се бара идентитетот на починатите.

Останува мистерија како телата на двајцата мажи завршиле во „Јасен“, особено што резерватот беше под строго контролиран од безбедносните служби во земјава и таму се влегуваше единствено со дозвола. (Х.Р.)