Жителите на струшкото село Октиси, и покрај новоизградениот водовод, во летниве горештини и натаму се без доволен дотек на вода за пиење. Политичарите, по неколку децении од вевчанскиот случај, и ова лето си поиграа со трпеливото население.
Овој пат очигледно е дека граѓаните се жртва на меѓупартиските пресметки, меѓу градоначалникот на Струга, Рамиз Мерко од ДУИ, и пратеникот на ПЕИ, Фијат Цаноски, кои на претходните локални избори беа противкандидати за струшката градоначалничка функција.
На проблемот на октишани деновиве политички сакаа да соберат поени и Мерко и Цаноски. Министерството за транспорт и врски и неговиот прв човек Миле Јанакиески во неделата пет минути до 12 ја одложија свеченоста, веројатно, свесни дека може да дојде до инциденти, зашто жителите не сакале Мерко и ДУИ свечено да го предадат во употреба новиот водовод. Во соработка со населението, Цаноски ја искористи политичката прилика и свечено предаде во употреба чешма, што подоцна се потврди дека било само едно пластично црево од стариот водовод.
Октишани, и по неколку децении, уште еднаш беа пренесени жедни преку вода. Како и во претходниот случај, и сега се потврди дека политичарите не мислат на граѓаните туку, пред се', како политички да профитираат. И овој пат граѓаните на Октиси очигледно се жртви на политичките пресметки, а спецификата е во тоа што играчите се од коалицијата на владејачката гарнитура на Груевски.
Така, наместо граѓаните во село Октиси конечно и еднаш засекогаш да го решат прашањето со снабдување со вода за пиење, тие се сведоци на трагикомични ситуации. Еден сече лента, другиот го сопира дотекот на вода. Згора на се', преку ноќ ја снемува и чешмата од новоизградениот водовод.
So ovoj napaten narod si poigruvaat site partiii i poizicija i opozicija istoto go pravat so lugeto i vo Prespa pokraj ezero lugeto maki macat na 4o stepeni temperatura cel bozi den nosat so kontinjeri voda za navodnuvawe na ovosnite nasadi,kanalite koi tecea neprekidno od 15 juni pa do 31 avgist -5o godini ,vlasta lani i godinava si poigra so ligeto ,se rabotese za nekolku cevki,no nesakase da izleze vo presret na lugeto da mozat da navodnuvaat ,mu go zema i toj kasej lep ,vazno e se postavia smizli konanici ,spomenici,ke gi ozivuvame lugeto koi odamna gi nema ,a ke gi umirame zivite,se uprop[astia familiite ,od kade pari za skoluvawe na deca,od kade leb za tie deca,nikoj nezaposlen ,edinstvenata egzistencija od ovosnite gradini ,vlasta ni ja zede i so poveke da zboruvame ili pisuvame i da pisuvame ne o objavuc\vaat lugeto da citaat sto se se pravi ,kade e lokalnata vlas ovde koga vo izborite velea deka kanalite ke blikaat-Mnogu mu e gajle
Симон Илиевски
