ВЕЛЕС - Во ѕид и' ја удирал главата и ја мавал со клоци по телото. Така се однесувал 24-годишниот Д.Ј од Башино Село спрема својата сопруга К.Ј. (21) од Лозово. Насилствата започнале на почетокот на годинава. К.Ј повеќе пати била психички и физички малтретиранна од сопругот, но не го пријавувала во полиција.
По последната физичка пресметка, Д.Ј. и' ја заклучил вратата за да не може да избега и и' се заканувал дека ќе ја убие. Сопругата се обидела да избега низ прозорецот, но насилникот почнал да ја дави по вратот. Сепак, таа успеала да најде клуч и побегнала кај соседите од каде што повикала полиција. Жената го напуштила домот, но Д.Ј. и натаму продолжил да и' се заканува. Подоцна, Центарот за социјални работи и' го вратил детето на жената, а полицијата поднесе кривична пријава против сопругот. (С.Ќ.Н.)
