Црвенковски одликува шестмина спортисти
Претседателот Бранко Црвенковски ги одликува со „медал за заслуги за Македонија“ фудбалерот Горан Пандев, боксерот Вели Мумин, кошаркарот Врбица Стефанов и ракометарите Кирил Лазаров, Наталија Тодоровска и Драгана Пецевска. Шестемина спортисти заслужија признание „за постигнатите врвни резултати, со што дадоа значителен придонес за развојот и за популаризацијата на спортот во земјата, како и за афирмација на Република Македонија на меѓународен план“, е објаснувањето од Кабинетот на претседателот. Одликувањата на спортистите ќе им бидат врачени на свечена церемонија во вторник, со почеток во 11 ч., а МТВ ќе врши директен пренос. |
