Кајли Миног за настап во Дубаи доби два милиона фунти
Нејзиниот настап ќе трае само шеесет минути, па од таа причина ќе влезе во историјата како еден од најскапите настапи досега
Пејачката Кајли Миног ќе добие два милиона фунти за настап на отворањето хотел во Дубаи. Нејзиниот настап ќе трае само шеесет минути, па од таа причина ќе влезе во историјата како еден од најскапите настапи досега.
Слатката ѕвезда својот хонорар ќе го заработи со настап пред двесте илјади одбрани личности на отворањето на еден од најлуксузните хотели „Атлантис“.
Хотелот е изграден на познатиот остров во облик на палма, а сумата од два милиона фунти за настапот на пејачката нема да бидат единствениот висок износ таа вечер, бидејќи огнометот предвиден за таа вечер ќе изнесува дополнителни три милиони фунти.
Компанијата што ќе го организира огнометот беше дел и од олимпискиот тим во Пекинг, но овој пат ветува дека ќе биде многу поскап и побогат отколку тој на Олимписките игри.
| 
