Прва англиско-македонска збирка на мудрости

Викендов излезе во продажба првата англиско-македонска збирка на мудрости насловена „Бескраен ум“ („Endless mind“) во киосците, трафиките и во другите продажни места на „Медиа Принт Македонија“ во поголемите градови во Македонија.

Збирката беше промовирана на 25 ноември и има цел да го поттикне и инспирира читателот да ги почитува основните морални вредности и да ја вреднува суштината на животот во денешниот брз современ свет. Мислите се кратки, едноставно напишани и лесни за читање.

Ана Костовска е родена во 1983 година. Таа е дипломирана економистка, магистерка по менаџмент. Постдипломските ги заврши во Флорида, САД, на Интернационалниот универзитет „Шилер“ каде што и' беше доделена наградата „Нил Армстронг“ за најдобри академски остварувања. Моментно работи како предавач и специјалист за човечки ресурси во менаџмент едукативен центар, а слободното време го користи за својата креативност за фотографирање, пишување поезија, мисли итн. (Н.П.)