Филмот „Бучно“ на маркетите во Ротердам и во Берлин

Македонскиот долгометражен игран филм „Бучно“ на режисерката Анета Лешниковска ќе биде претставен на два копродукциски маркети, кои се одржуваат во рамки на Филмските фестивали во Ротердам и во Берлин.

Како што известуваат од продукцијата „Ака филм“, во конкуренција од над 430 апликации од светот, „Бучно“ е избран да се презентира на се' попознатиот маркет „Синемарт“ во Ротердам, кој ќе се одржи од 30 јануари до 2 февруари, за време на фестивалот кој годинава ќе трае од 26 јануари до 6 февруари.

Додека, на годинешното Берлинале (од 10 до 20 февруари) односно на маркетот „Бучно“ ќе биде презентиран пред потенцијалните финансиери и копродукциски партнери од 12 до 15 февруари. Овој маркет е еден од најзначајните и најпосетените во светот и е одлична можност за создавање солидна итернационална соработка.

Инаку, новиот филм на Анета Лешниковска „Бучно“ е поддржан од македонскиот Филмски фонд со 12 милиони денари, а засега е во копродукција со Family Affair Film од Холандија. (С.У.)