Рома против Интер во полуфиналето од Купот

Германските медиуми пишуваат дека Севилја му платил на Шалке меѓу два и три милиони евра: Иван Ракитиќ

Кризата кај Јувентус продолжува. „Старата дама“ завчера на свој терен го загуби четвртфиналниот куп натпревар со Рома 0:2. Римјаните сосема заслужено ќе играат во полуфиналето против Интер.

Во првиот дел немаше голови, а во вториот се чекаше до 65 минута, кога мрежата на домаќините ја затресе Мирко Вучиниќ. Точка на натпреварот стави Тадеи во првата минута од судиското продолжение.

Ракитиќ слета во Севилја
Хрватскиот репрезентативец Иван Ракитиќ дојде во Севилја каде што треба да ги мине медицинските прегледи. Откако ќе го направи тоа и официјално ќе го потпише договорот со истоимениот клуб.

Германските медиуми пишуваат дека Севилја му платила на Шалке меѓу два и три милиони евра. Отштетата е мала, бидејќи договорот на Ракитиќ со Шалке истекува ова лето. Германците во 2007 година му платија на Базел за Хрватот пет милиони евра.

Бехрами дебитира против својот Лацио

Швајцарскиот репрезентативец 25 годишниот Ваљон Бехрами ќе дебитира во дресот на Фиорентина против својот бивш клуб Лацио за кој се' уште го врзуваат емоции.

„Лацио? Тоа ќе биде тешко гостување за нас, но мирен сум. Постојат емоции, но сега го носам дресот на Фиорентина“, изјави Бехрами, кој по Лацио го носеше и дресот на Вест Хем. „Моето искуство од Англија е многу важно. Таму до израз доаѓа физичката сила, а притисокот е голем и надвор од теренот“, додаде Бехрами.

Демба Ба од Хофенхајм замина во Вест Хем

Сенегалскиот напаѓач Демба Ба (25) потпиша 3,5 годишен договор со Вест Хем, последниот тим во Премиерлигата. Сезонава Ба заби шест гола во 17 меча во Бундеслигата.