Дулко и Пенета победнички во двојки

Аргентинката Жизела Дулко и Италијанката Флавија Пенета го освоија Австралија опен во конкуренција на женски двојки. Тие по пресвртот, славеа против Белорусинката Викторија Азаренка и Русинката Марија Кириленко со 2:6, 7:5 и 6:1 по 131 минута игра.

Дулко и Пенета првпат освоија еден Гренд-слем турнир, иако минатата година беа најдобар тандем во светот со седум титули и две учества во финале.

Покрај пехарот, Дулко и Пенета ќе поделат и парична награда во износ од 450.000 долари.