Штепанек го освои Вашингтон

Радек Штепанек го освои турнирот во Вашингтон, откако во финалето го совлада првиот носител Гаел Монфис со 6-4, 6-4. Триумфот го искачи 32-годишниот Чех од 54. место на АТП-листата повторно меѓу најдобрите 30 светски тенисери.

„Ова ми е најголемиот успех во кариерата и тоа што доаѓа во доцна фаза од кариерата многу ми значи. Тоа покажува дека сум способен да играм врвен тенис и на оваа возраст, да победувам момчиња од топ 10 и да освојувам титули. Прекрасно чувство“, изјави своевремено осмиот светски рекет.

Агнешка Радванска, пак, стигна до највредниот триумф на тврда подлога во кариерата, освојувајќи го турнирот во Сан Диего, каде што во финалето беше подобра со 6-3, 6-4 од светската тенисерка број три Вера Звонарева.

„Играњето против Русинки во финалето секогаш е тешко“, изјави Полјачката по мечот.