Студентски цртежи и слики во Сули-ан

Денеска во 12 часот во галерискиот простор во Сули-ан, на Факултетот за ликовни уметности, ќе биде отворена изложба на цртежи и слики од студентите од трета година на Катедрата по графика под менторство на доц. м-р Славица Јанешлиева-Бачварска. Цртежите се изработени за време на работилница одржана годинава во Пелинце, како дел од факултетската теренска настава, на која учествувале 13 студенти, а биле создадени 60-ина цртежи и 20-ина платна во масло и акрил. Селектираните дела на изложбата ќе бидат придружени со фото и видеодокументација од работилницата. (К.Б.)