Индустриските производи поскапи за 7,7 отсто

Продажните цени на производителите на индустриски производи на домашниот пазар во август 2010 година, во однос на истиот месец лани, се повисоки за 7,7 отсто. Според податоците на Државниот завод за статистика, индексот на продажните цени на производителите на индустриски производи на домашниот пазар во август изнесува 107,7 отсто. Ваквото зголемување е резултат, пред се', на зголемените цени во групат�� енергија за 16,8 проценти, интермедијарни производи, освен енергија за 3,8 отсто, капитални производи за 2,1 процент и нетрајни производи за широка потрошувачка за 1,9 отсто. Индексот на продажните цени во секторот вадење руди и камен е повисок за 2,7 отсто, во секторот преработувачка индустрија индексот е повисок за 8 проценти, а во секторот снабдување со електрична енергија, гас, пареа и топла вода е повисок за 7 отсто. Во август 2010 година, во однос на август лани, индексот на продажните цени во групата елементи и материјали за вградување во градежништвото, е повисок за 5 проценти. (Ек.Р.)