Ким Катрал

Пропаднати два брака поради лош секс

Сексуалната предаторка од серијата „Сексот и градот“, актерката Ким Катрал, открила во интервју дека невиноста ја изгубила на 15 години и дека тоа влијаело на сите нејзини врски што следувале.

„Не смеев да имам сексуални односи толку млада. Невиноста ја изгубив на 15 години и си помислив: заре тоа е тоа“. Дефинитивно, не бев подготвена за такво искуство. Потоа не очекував многу од сексот, а не ни добивав. Никој никогаш не ви кажува како да го правите тоа. „Се сеќавам дека читав ’Кама сутра‘, но не ја разбрав баш најдобро“, раскажува Ким.

„Важно е да се сфати колку е важна љубовта. Ја раздвоив љубовта од сексот, или барем мислев дека љубовта води кон секс, но се разбира дека не е така“, признала Ким.

Актерката им порачува на жените да не се плашат да излезат од врска, ако сексот е лош, а признава дека знаела да бара оправдувања за лошите сексуални искуства. „Лошиот секс беше одлучувачки фактор за распад на два од моите три брака“, открива актерката.