...И уште нешто

Отказот легален

Државниот трудов инспекторат по извршениот увид констатирал дека договорот за вработување на новинарката Тамара Чаушидис во Алсат-М телевизија е раскинат согласно член 62 од Законот за работни односи, односно, договорот за вработување е раскинат спогодбено и дека нема основа за понатамошно постапување.

Обнова на училиште

Градоначалникот на општина Карпош Стевчо Јакимовски вчера на прес-конференција информира за реконструкцијата на основното училиште „Димо Хаџи Димов“. Заменети се подовите, отстранети се старите надворешни прозорци и врати, се поставува комплетно нова електрична инсталација, се реновираат тоалетите, реконструиран е таванот. Градежно земјиште

Државата нуди на продажба градежно неизградено земјиште по пат на електронско јавно наддавање во Берово и во Дојран наменето за изградба на викенд куќи. Се продаваат три градежни парцели во туристичката населба "Суви лаки" во Берово и седум во Дојран. Почетната цена за метар квадратен е 61 денар. Апликации се примаат до 6 септември.

Гасоводна мрежа

Екипите на Јавното претпријатие „Куманово паркинг“ завршија со поставување на гасоводната мрежа во централното градско подрачје во должина од 1500 метри, каде што се лоцирани градинката „Кокиче“, двете основни училишта „Браќа Миладиновци“ и „Крсте Мисирков“, како и гиманзијата „Гоце Делчев“.

Тодор Петров

Тодор Петров е резибран за претседател на Светскиот македонски конгрес на 21 Генерално собрание на организ��цијата што се одржа викендов во Скопје. За почесни претседатели се избрани академик д-р Жан Митрев и Ѓорѓија Џорџ Атанасоски, а потпретседатели Фросина Ременска, Борче Стефановски, Вангел Божиноски и Исмаил Бојда.