Кливленд рутински го обработи Њу Џерси
Водечкиот тим во НБА- лигата, Кливленд, славеше кај Њу Џерси со 96:88. Кавалирси доминираа од почетокот и во текот на меч само ја зголемуваа предноста. На крајот и' се радуваа на 57 сезонска победа која беше изразена со само осум коша разлика поради малото нивно опуштање во финишот. Дабл-дабл ефект оствари Леброн Џејмс (30 коша, 11 скока, осум асистенции), лидер кај Њу Џерси беше ветеранот Винс Картер со 25 поени, девет скока и пет додавања.
Во пресметката за Тексас кошаркарите на Сан Антонио загубија на својот паркет од Хјустон со 87:85, победа сокоја „ракетите“ го презедоа водството во дивизијата Југозапад. Натпреварот беше решен во последните секунди. Клучниот кош го постигна Луис Скола на 11 секунди до крајот за водство на Хјустон со 86:85. Две секунди до звукот Тони Паркер промашиза триумф, а конечните 87:85 ги постави Скола во последната секунда од линијата за слободни фрлања. Предводник на „ракетите“ со 47 победа во оваа сезона беше Рон Артест со 24 поени, четири скока и две асистенции, Скола додаде 19 поени, 17 скока и четири асистенции.
Резултати: Детроит - Мајами 96:101, Сан Антонио - Хјустон 85:87, Минесота - Оклахома 90:97, Торонто - Л.А. Клиперс 100:76, Њу Џерси - Кливленд 88:96, Њу Орлеанс - Голден Стејт 99:89, Сакраменто - Филаделфија 100:112. |
