Бугарија се задолжува

Веселин Желев
Дописничко биро на ВАЦ


БРИСЕЛ - Бугарскиот парламент и' дозволи на владата да издвои до 2,35 милијарди бугарски лева (1,2 милијарди евра) во државен долг следната година за да го покрие проектираниот буџетски дефицит со иста големина. Ова ќе биде прво меѓународно задолжување по деценија од немилосрдни намалувања на јавниот долг и се очекува незначително да го влоши односот на бугарскиот долг/БДП. Односот сега е 14,9 проценти, втор најнизок во ЕУ по оној на Естонија, но би можел да се зголеми до над 20 проценти следната година, според најновите прогнози на Европската комисија.

Долгот на Бугарија го надмина нејзиниот БДП во 90-тите години, но беше драстично намален откако земјата го претстави монетарниот одбор во 1997 година. Најголемите намалувања на долгот беа направени од властите по 2001 година. Сегашната влада, предводена од премиерот Бојко Борисов, е прва по една деценија што се врати на меѓународниот пазар на обврзници откако економскиот пад ја влоши нејзината финансиска ситуација и секнаа странските инвестиции.

Опозицијата во неколку наврати го обвинуваше Борисов за „убивање на економијата“ со наметнување политики на штедење, додека остатокот од Европа аплицираше за антирецесивен фискален стимул кон крајот на 2009 и во почетокот на 2010 година.