Енергетските капацитети ќе инвестираат во екологија
Да се намали загадувањето на воздухот, почвата и водите од големите компании во металургијата и во енергетиката, како и правилен третман на опасниот отпад што го создаваат овие капацитети е целта на проектот на кој во следните три години ќе работи македонско-норвешки тим експерти. Договорот за соработка вчера го потпишаа министерот за животна средина Неџати Јакупи, и претставникот на норвешката компанија „Норск енерги“, Јон Твеитен.
Четири големи индустриски капацитети, РЕК „Битола“, „Окта“, „Скопски легури“ и РЕК „Осломеј“, до август 2013 година ќе треба да ги исполнат сите услови за да добијат А интегрирани еколошки дозволи. Компаниите ќе треба да инвестираат во намалување на влијанието на своите производствени капацитети врз животната средина во иднина. Истовремено, од компаниите се очекува да работат и на рехабилитација на последиците од историското загадување.
„Од соработката со ’Норск енерги’ очекуваме зајакнување на капацитетите на Министерството во насока на интегрирано спречување и контрола на загадувањето и управувањето со опасен отпад“, рече министерот Јакупи. (С.Н.)
Јасњ не знам во што ке инвестираат електраните,но знам дека основниот продукт во живеачката скапо го плаќаат грагјаните на Република Македонија.дали убаво сте ја погледнале сметката за струја?Не?Е,па таа е оптоварена со 18 на сто ДДВ?Водата ,на пример,како основен елемент во зивеењето е оптоварена со 5 насто,како лебот,на пример,а светлината-со 18 насто?Што мисли министерот за финансии по ова прашање?Дека ке го полни буџетот со висок ДДВ на основен продукт?или ке им остави слободен избор на граѓаните-сами да се искључат од мрежата и да живеат во темнина.А на што ќе базира информатичкото општество?На свеќа,на борина?...Струјата не е луксуз,господине министре.на народот му треба и светлина и топлина,како лебот и водата.
