Амди Бајрам не се појави на суд
ШТИП - Пратеникот Амди Бајрам го избегна почетокот на судскиот процес против него кој во Основниот суд во Штип требаше да се одржи вчера напладне. Против него, кривична тужба за клевета поднесе Александар Наков, поранешен јавен обвинител во Штип. Бајрам не се појави на судењето, па процесот е одложен. Амди Бајрам во емисија на штипската ТВ Стар, пред околу една година, изјавил дека Наков му побарал 100.000 евра мито за да не поднесува кривична пријава во случајот со кражбата на платно од магацините на ТК „Македонка“, за што Бајрам издржа казна затвор од 4,5 години. (И.Б.) |
