Педроса победник во Германија
Шпанецот Дани Педроса од тимот на Хонда победи во трката за Големата награда на Германија во Мото ГП, во која бранителот на титулата Хорхе Лоренсо од Јамаха го освои второто место, за кое се избори во последниот круг. Австралиецот Кејси Стоунер, кој тргна од пол-позицијата, заврши трет, со што неговата предност како лидер во вкупниот поредок се намали на 15 поени во однос на Лоренсо, а до крајот на мотоциклистичката сезона остануваат уште девет трки.
Резултати: Педроса 41:12,482 минути, Лоренсо +1,477 секунди, Стоунер +1,568 секунди итн. |
