Со сила против сецесијата од БиХ

Лондон - Премиерот на Босна и Херцеговина, Златко Лагумџија, во интервју за „Тајмс“ се закани со употреба на сила за да го спречи отцепувањето на Република Српска. „Или ќе најдам начин легитимно да го спречам Милорад Додик во прекршувањето на одредбите на Уставот на земјата, употребувајќи физичка сила, на која имам право или ќе бидам сменет“, вели за лондонскиот весник Лагумџија, чија партија освои најмногу гласови на последните избори во БиХ. Ова е досега најострото предупредување што доаѓа од инаку умерениот политичар во чија партија СДП има припадници од сите три народи. (МИА)