Величината извира од едноставноста

„За Гане немаше посилна креативна имагинација од самата реалност, поголема храброст да се биде реален во решавачките и судбоносните мигови на егзистенцијата., рече академик Луан Старова во своето обраќање насловено „Ганеовото вечнеење“. „Гане умееше, продолжи Старова, да им ја стори литературата заедничка татковина, да ја шири границата на зборовите: му појде од рака да ги продолжи смислата и просторите на македонскиот јазик. Создаде Пентеон од поетски препеви. Како ретко кој нашиот Гане имаше добрина, мудрост, толерантност, спокој, да прифати поддржи и охрабри млади творци. Величината секогаш извира од едноставноста. Гане Тодоровски се вреднува меѓу творците на балканските и европските литератури, како автор надарен со вулкански исполнет талент“.