Клучна фигура на модерна Македонија

Професорот Атанас Вангелов Тодоровски го спореди со Блаже Конески. Вангелов истакна дека Конески и Тодоровски се две клучни фигури на модерна Македонија. „Националната уметничка и научна мисла на поетот Гане Тодоровски не исклучува социјална, како што неговата социјална мисла не исклучува национална. Ете, во таа смисла тој можеше да каже, кон почетокот на деведесеттите дека е, по вокација и професија националист, не без ехо на формула од знаменитиот хрватски модернист Антун Густав Матош, за чие дело зборувал, како професор, со децении на Филолошкиот факултет. Во духот на Ернест Ренан и Морис Барс, Матош зборуваше дека една модерна литература треба да биде по дух национална, а по форма – европска и нема да се згреши ако се рече сега дека тоа стана уметничко и научно гесло на поетот Гане Тодоровски“, заврши Вангелов. |