Ријана

Бакнежи за восочната двојничка

Меѓу гордите сопственички на восочни фигури во музејот „Мадам Тисо“ се најде и пејачката ѕвезда од Барбадос, Ријана. Пејачката добила своја копија во музејот на восочни фигури во Вашингтон. Својата двојничка, воодушевената Ријана ја бакнувала, а фотографијата од таа блиска средба ја поделила со пријателите и со фановите преку „Т��итер“.

Восочната двојничка на Ријана е облечена во црно костумче, кое Ријана го носеше на Модната недела во Париз минатата година, а на ушите и' блескаат дијамантски обетки. Ријана не била на вчерашното свечено откривање на својата фигура, туку својата двојничка дошла да ја погледне минатата недела, кога на персоналот во музејот им кажала оти е воодушевена од восочната близначка.