Ева Лонгорија

Полесно повредена во сообраќајна несреќа

Ева Лонгорија во средата навечер имала сообраќајна несреќа во Лос Анџелес, во близина на својот ресторан „Бесо“. Според портпаролот на полицијата, Ева возела на прометна улица и во еден момент ненадејно пред неа се појавил автомобил. Глумицата не успеала да се снајде во тој момент, па затоа директно удрила во другата кола. Па, поради ударот, таа и другиот возач се здобиле со полесни повреди, но никој не завршил в болница. Полицијата се' уште ја истражува несреќата и се зборува дека Ева нема да биде обвинета за несреќата. Ева Лонгорија се прослави во улогата на серијата „Очајни домаќинки“, а освен глумата, има голема страст и за готвење. Пред две години, отвори ресторан во кој често и самата готви. Освен што сака секојдневно да ги споделува своите авантури со обожавателите на „Фејсбук“, често објавува и слики од разни специјалитети, а нема да не' зачуди ако наскоро почне и да готви.