Мексес на продажба, почнаа преговорите со Интер

Филип Мексес, 28 годишниот француски дефанзивец на Рома, е еден од милениците на навивачите, но не и на тренерот Клаудио Раниери, кој се почесто се одлучува за користење на Никола Бурдисо.

„Ла Газета дело Спорт“ тврди дека Мексес на крајот од сезоната ќе биде ставен на трансфер листата. Бидејќи има договор до јуни 2011 година на Рома и е од интерес да ќари некое евро уште летово. За него се заинтересирани Интер, Јувентус и Милан.

„Веќе ги почнавме преговорите со Интер“, потврди агентот на Мексес, Фернандо Идалго.

Навивачите на Барса го нападнаа Мурињо

„Кралот Хуан Карлос“ е името на хотелот во кој отседна Интер, но поради вревата што ја правеа навивачите на Барселона под прозорците, фудбалерите не може мирно да спијат. Тоа не беше се' завчера во Барселона. Автомобилот во кој се наоѓаше Мурињо, при враќањето од тренингот на „Ноу камп“ беше пресретнат од група навивачи. Најпрвин почнаа да го гаѓаат со лименки и кутии цигари, а потоа почнаа да го нишаат автомобилот. Плуканиците, исто така, беа дел од декорот. На крај мораше да интервенира и полицијата.



Манчини ги отпиша АдебаЈор, БриЏ и Филипс

Манчестер Сити се подготвува за реорганизација на тимот. Англиските медиуми пишуваат дека на повидок е голема продажба, а наводно, тренерот Манчини сака да се ослободи од Адебајор, Вејн Бриџ и Шон Рајт Филип, со цел да собере пари за купување на Фернандо Торес. Проценките велат дека од овие тројца на кои евентуално би се додал и Ајрлнд, може да се заработат 50 милиони фунти (само Адебајор стигна од Арсенал за 25), што би било доволно за ангажирање на шпанската ѕвезда на Ливерпул.



Бенитез во Јувентус ги носи Торес, Маскерано, КуЈт и Шкртел?

Фернандо Торес, Хавијер Маскерано, Дирк Кујт и Мартин Шкртел би можеле да тргнат по патот на менаџерот на Ливерпул Рафаел Бенитез доколку тој во наредниот период постигне договор со Јувентус, пишува италијснаскиот спортски сајт „Тутоспорт“.

Сајтот наведува дека челниците на Јувентус се убедени, не само што ќе постигнат договор со Бенитез, туку и дека по него ќе тргнат и четворица искусни фудбалери кои осетно би го засилиле играчкиот кадар на торинскиот клуб.

Во Јувентус знаат дека Торес, Кујт, Маскерано и Шкртел се во одлични односи со менаџерот и дека како некои Португалци кои своевремено тргнаа по Мурињо во Челзи, и тие би можеле да се обидат во Серија А.



Гути го напушта Реал, заминува во Дубаи

Фудбалерот на Реал Мадрид Гути кариерата ќе ја продолжи во Дубаи, откако се договори со челниците на „кралскиот клуб“ на крајот на сезоната да го раскине договорот кој му истекува идната година, јавува „Радио Марка“.

Шпанското радио прецизира дека ќе заработува по пет и пол милиони евра по сезона, што е за еден и пол милион повеќе отколку што сега добива во Реал.

Триесетгодишниот Гути е член на Реал од почетокот на професионалната кариера и со тој клуб освои пет титули во шпанското првенство - 1997, 2001, 2003, 2007 и 2008 година, три трофеи во Лигата на шампионите - 1998, 2000, 2003 година, како и две титули во Интерконтиненталниот куп - 1998 и 2002 година.