Швајцарците гласаат за хероин на рецепт
Гласачите во Швајцарија треба да се изјаснат дали го одобруваат издавањето хероин на рецепт како постојана здравствена политика на Швајцарија. Анкетите за јавното мислење сугерираат дека гласачите веројатно ќе го одобрат планот, со што Швајцарија би станала првата земја во светот што го внесува тоа во владината политика. Меѓутоа, другиот предлог да се легализира канабисот веројатно нема да помине.
Швајцарија имаше експериментална програма за издавање хероин на рецепт една деценија. Приврзаниците истакнаа дека има позитивни резултати - извлекување на долгогодишните зависници од швајцарските некогаш озлогласени паркови на шприцовите и намалување на криминалот поврзан со дрогата. Опонентите истакнуваат дека издавањето хероин на рецепт испраќа погрешна порака до младите луѓе. (Би-Би-Си)
| 
