23.01.2013, 18:11 Украдени 162.500 евра од поштата во Дебреште
Прилеп - Ограбени се 162.500 евра од експозитурата на „Македонски пошти“ во село Дебреште, општина Долнени. Според првичните полициски информации, грабежот се случил од 15 часот завчера попладне до изутрината до 7,45 кога било пријавено.
Портпаролот на СВР Битола, Ѓоко Стрезовски, информира дека грабежот го открил и го пријавил во полициското одделение во село Ропотово вработен во поштата кога изутрината дошол на работа. Полицијата не може да одреди точно кога е ограбена експозитурата, ниту дали е еден или повеќе разбојници. Полицијата трага по лицата кои го извршиле грабежот. (МИА) |
