Хоризонт и Вардар на исто растојание

Шампионот Вардар одигра нерешено 1:1 против Брегалница во Штип, резултат со кој и лидерот Хоризонт Турново се врати од гостувањето кај Пелистер во Битола

Без промени на врвот во Првата македонска фудбалска лига по денешните дерби-средби во кои шампионот Вардар одигра нерешено 1:1 против Брегалница во Штип, резултат со кој и лидерот Хоризонт Турново се врати од гостувањето кај Пелистер во Битола. Борче Маневски го доведе Вардар во водство во 65. минута, а израмни поранешниот вардарец Ристе Наумов 11 минути подоцна. Блажевски во 57. минута му донесе предност на Хоризонт, а конечниот резултат го постави Лазаревски во 72. минута. Пелистер од 17. минута играше без исклучениот Драгарски.

Новиот прволигаш Дрита го приреди најголемото изненадување во 11. коло со победата од 1:0 над вицешампионот Металург. Стрелец на победничкиот гол за гостите од Боговиње беше Нухиу во 45. минута.

Напредок славеше во Кичево со 2:0 против „фенерџијата“ Тетекс со головите на Балажи од пенал во 7. минута и на Цветановски во 44. минута. Гостите од Тетово последните 15 минути ги одиграа без Трајчевски, кој доби црвен картон.

Работнички го декласира бранителот на трофејот во Купот на Македонија, Ренова, совладувајќи го дома со 3:0 со головите на Исени во 30. минута, на Најдоски во 40. минута и во 75. минута.

Шкендија го нагости некогашниот трикратен првак Силекс и го победи со 1:0 со голот на Демири во 90. минута. (Р.Д.)

Резултати од 11. коло: Брегалница - Вардар 1:1, Металург - Дрита 0:1, Напредок - Тетекс 2:0, Пелистер - Турново З. 1:1, Работнички - Ренова 3:0, Шкендија - Силекс 1:0.

Табела

1. Хоризонт З. 11 6 4 1 15:9 22

2. Вардар 11 6 3 2 24:9 21

3. Шкендија 11 6 3 2 22:12 21

4. Металург 11 6 1 4 14:10 19

5. Напредок 11 6 1 4 13:12 19

6. Дрита 11 4 4 3 15:16 16

7. Брегалница 11 4 2 5 10:10 14

8. Работнички 11 4 2 5 18:21 14

9. Ренова 11 4 2 5 13:18 14

10. Пелистер 11 3 3 5 11:14 12

11. Силекс 11 2 2 7 9:17 8

12. Тетекс 11 1 1 9 6:22 4

Идно коло (31 октомври, 13 ч.): Работнички - Вардар, Брегалница - Дрита, Металург - Силекс, Хоризонт - Тетекс, Напредок - Ренова, Шкендија - Пелистер.