27.10.2012, 20:31 Арсенал во финишот го скрши отпорот на КПР
Стрелец на победоносниот гол за „топџиите“ беше Микел Артета во 84. минута
Екипата на Арсенал во натпревар од 9. коло од Премиер лигата го совлада градскиот ривал Квинс Парк Ренџерс со минимални 1:0, а стрелец на единствениот гол беше Микел Артета во 84. минута.
Гостите последните десет минути ги одиграа со 10 играчи поради исклучувањето на Стефан М‘Биа.
На другите натпревари одиграни денеска: Астон Вила - Норвич 1:1, Стоук – Сандерленд 0:0, Виган - Вест Хем 2:1 и Рединг – Фулам 3:3, додека во тек е натпреварот Манчестер Сити - Свонси.
Дербито на колото се игра утре во Лондон каде лидерот Челзи го пречекува Манчестер Јунајтед. Покрај овој натпревар утре се и дуелите: Евертон - Ливерпул, Саутемптон - Тотенхем и Њукасл - Вест Бромвич Албион.
Табела: Челзи 22 бодови, Манчестер Јунајтед 18, Манчестер Сити 18, Арсенал 15, Евертон 15, Фулам 14, Тотенхем 14, Вест Бромвич Албион 14, Вест Хем 14,...
|
