Шарапова против Серена Вилијамс во финалето на Мастерсот во Истанбул

Во вчерашните полуфинални мечеви Шарапова ја совлада Азаренка со 2:0 во сетови, додека Вилијамс беше поуспешна од Радванска со истиот резултат

Финалистки на Мастерсот што се игра во Истанбул се Марија Шарапова од Русија и Серена Вилијамс од САД.

Тоа ќе биде дуел на втората (Шарапова) и на третата (Вилијамс) тенисерка на светот.

Во вчерашните полуфинални мечеви Шарапова ја совлада Викторија Азаренка (Белорусија) со 2:0 во сетови, додека Вилијамс беше поуспешна од Агнешка Радванска (Полска) со истиот резултат.

Во досегашните 11 меѓусебни мечеви Вилијамс има подобар биланс со девет победи и два пораза.

Покрај поединечното финале денеска ќе се одигра и финалето во игра на двојки: Андреа Хлавачкова и Луси Храдецка (Чешка) ќе играат против Марија Кириленко и Надиа Петрова (Русија).