Барселона продолжува со победите во Примера

„Каталонците“ ja забележаa и осмата победа, откако синоќа на гостински терен го совладаа Рајо Ваљекано со 5:0

Водечката екипа на табелата во Шпанското фудбалско првенство, Барселона ја забележа и осмата победа, откако синоќа на гостински терен беше поуспешна од Рајо Ваљекано со 5:0.

Во натпревар од 9. коло „Каталонците“ и овојпат беа предводени од својата прва ѕвезда Лионел Меси кој беше стрелец на два гола, а по еднаш погодија Давид Виља, Чави и Фабрегас.

Во Севиља, екипата на Бетис ја совлада Валенсија минимално со 1:0, а Малага на гостувањето во Барселона одигра без голови 0:0 со Еспањол. Натпреварот во Виго меѓу Селта и Депортиво Ла Коруња заврши без победник 1:1.

Денеска ќе се играат пет натпревари од ова коло во Примера: Сарагоса – Севиља, Леванте – Гранада, Атлетик Билбао – Хетафе, Атлетико Мадрид – Осасуна и Мајорка – Реал Мадрид.

Деветтиот круг ќе биде комплетиран утре со дуелот Ваљадолид – Реал Сосиедад.

Табела: Барселона 25 (+1 натпревар повеќе), Атлетико Мадрид 22, Малага 18 (+1), Бетис 16 (+1), Реал Мадрид 14, Севиља 14, Леванте 13,...