26.10.2012, 14:48 Пипан: Ќе се обидам да ја подигнам играта на повисоко ниво
Македонскиот првак, МЗТ Скопје Аеродром денеска на прес-конференција го промовираше новиот шеф на стручниот штаб
Првиот впечаток на Словенецот е дека доаѓа во добро организиран клуб со квалитетни играчи и со многубројни навивачи кои знаат како да и помогнат на својата екипа.
На денешната прес-конференција македонскиот кошаркарски шампион МЗТ Скопје Аеродром го промовираше својот нов тренер, Словенецот Алеш Пипан.
Првиот впечаток на Пипан е дека доаѓа во добро организиран клуб со квалитетни играчи и со многубројни навивачи кои знаат како да и помогнат на својата екипа.
- Ги гледав сите досегашни натпревари на МЗТ Скопје во АБА лигата. Тоа е тим кој има потенцијал, но потребно е да се направат во иднина мали промени. Секој тренер си има свој начин на работа, а јас најпрво ќе се обидам да ја подигнам играта на повисоко ниво. Немав доволно време за да одработам некои варијанти за утрешниот натпревар, но играчите ќе мораат да го сменат односот кон играта, да ја ги зголемат агресивноста и концентрацијата од првата до последната минута, истакна новиот тренер на МЗТ Скопје Аеродром.
Тој ги нагласи проблемите и во Црвена Ѕвезда и рече дека тие иако се сметаат за фаворити не се сигурни дека ќе победат, а во тоа очекува да ги спречи и предноста што македонскиот шампион игра на свој терен и пред својата верна публика. Побара од неговите играчи тоа да биде мотив плус тие да дадат се од себе за остварување позитивен резултат.
Управата на клубот е задоволна од ангажманот на Пипан за кого најави дека ќе остане до крајот на сезоната и верува дека словенечкиот стручњак ќе успее да ја врати самодовербата кај играчите и да го смени нивниот однос кон играта со што би се подобрила атмосферата која е нарушена по трите порази во низа.
Натпреварот од 6.коло во регионалната АБА лига, МЗТ Скопје Аеродром - Црвена Ѕвезда се игра утре со почеток од 17 часот во Спортскиот центар Борис Трајковски, а на денешната прес - конференција раководството на македонскиот првак упати известување до гледачите дека клубот ќе ја почитува одлуката на АБА лигата за забрането присуство на организирани гостински навивачи и според тоа во салата нема да биде дозволено влегување со било какви облежја на противничката екипа
|
